ماهـو بكفـو الوقـت حبـك يمحّـيـه
ياللي تخـاف صـروف الايـام تمحـاه
ارتـاح ..مـادام المـواصـل يقـوّيـه
انت انت..وانـا انا..وقلبـي هـو ايـاه
حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكــراه
حبـك علـى رملـة خفوقـي مواطيـه
ورياح عذلي عنـك مـا تمسـح خطـاه
واللي يعـذل القلـب عـن درب غاليـه
الله بمـا يـبـلا الموالـيـف يـبـــــــــــــــــلاه
اخفيـه يابالفـيـت والـحـال يبـديـه
ادنـاة واحـد ينظـر الحـال يـقـــــــــــراه
مخفيـه فيـه ومعتنـي ٍ بـه وحاميـه
مـن كـل عيـن ٍ ودهـا تنـزل حمــــــاه
قلب ٍ يحبـك والهـوى الـذرب ماليـه
كانـك مكذبنـي ؟؟ بعيـنـك تـحـلاه
شـرط ٍ تشوفـك فيـه منـت بحواليـه
ويمكن تشـوف ديـار واماكـن ارعـاه
وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه
وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه
وبتشوف حصن ٍ عـج الاقـدار سافيـه
وبتشـوف باقـي بيـت راعيـه خــــــــلاه
لا تنزعـج هـذا خفـوقـي وباقـيـه
ولا تضايـق مـن تـصـدع زوايـــــــــــاه
قـد زلزلـه فرقـا وهـزت عـراويـه
والله ستـر والحـظ عـانـه وعـافـــــاه
ابغيـك بـس مـن المفـارق تـداريـه
وازهل مـن يـداري شعـورك ويـدراه
وحلـل وحـرم فيـه يابـرك بـلاويـه
وحلّه وراع رضـاي ورضـاك ورضـاه
جعلك بعد بعض الوجيه ..امحق وجيه
نـاس ٍ مراتعـهـا الرفـيـق بتقـفــــــــــــــــــاه
انـواع واخطـر نـوع مانـي بناسيـه
نوع ٍ علـى تفريـق الاثنيـن مسعــــــــــاه
تلـقـاه دوم وكــل يــوم ٍ تلاقـيـه
والـى بغيتـه صـدق مـا عـاد تلقــــــــاه
ولا انت ردك كـل مـا ادعيـك..لبيـه
انشهـد ان منتـوا بفيعينـي اشـبــــــــــاه
منت بمع العالم ولا تقـول لـي..ليـه
انت ادرى منـي وش جوابـي وفحـواه
كذيـه...ومـن الله يـازيـن وإلـيـه
واغلا طـروش القلـب ودواه مـن داه
الحلـم ياتيـنـي بـزولـك واراعـيـه
وفـي كـل حلـم اقـوم قبـل اتحفــــــــاه
اعشق سميك فـي البزاريـن وادعيـه
واقبـل خطـاه الـى اخطـا واتلـقـــــــاه
واسمـك يروعنـي الـى مـر طاريـه
واحـب ملقـوف ٍ يسولـف وطــــــراه
وامـر بيتـك مـن بعيـد ٍ ولا اجـيـه
وانـا لونـه فـي يـدي مـا اتـعــــــــداه
حتى (توايـر)(موتـري) تلتفـت فيـه
تبغي تلـف ويستحـي العقـل والجــــــاه
وصلك يخيـط الصـدر والبعـد يفريـه
ويابـري حالـي كـان صديـت بريــــاه
ويلي علـى ادري حبنـا ويـش تاليـه...
وويلي على ادري وش ورى الغيب ويلاه-لمحة حب--لمحة حب-
عشـان اشـوف اذا محبتـك ..ترفيـه
والله لا اقفي عنّـك..... استغفـر الله
